sport.hushak@yandex.ru

+012 345 6789

Հայաստանի բոլոր ներկայացուցիչները շարունակում են պայքարը

Երեկ տեղի ունեցան աշխարհի գավաթի խաղարկության առաջին շրջանի թայ-բրեյքները։ Հայաստանի ներկայացուցիչներ Հովհաննես Գաբուզյանը և Հայկ Մարտիրոսյանը, ովքեր առաջին շրջանի 2-րդ պարտիաներում անակնկալ պարտություններ էին կրել, թայ-բրեյքում 2-0 հաշվով հաղթանակ տոնեցին և նվաճեցին 2-րդ շրջանի ուղեգրեր, հայտնում է Հայաստանի Շախմատի ֆեդերացիայի պաշտոնական կայքը։

Այսպիսով Հայաստանի բոլոր ներկայացուցիչները շարունակում են պայքարը։

2-րդ շրջանից իրենց մրցելույթներն են սկսում Հայաստանի առաջատար շախմատիստներ Լևոն Արոնյանը և Գաբրիել Սարգսյանը։

Հիշեցնենք, որ Սոչիում ընթացող շախմատի Աշխարհի գավաթի խաղարկությունում Հայաստանի միակ կին ներկայացուցիչ Էլինա Դանիելյանը ևս հաղթահարել է 1/128 եզրափակչի արգելքը:

Դանիելյանը 2 պարտիայում էլ հաղթել է պարագվայցի Գաբրիելա Վարգասին։ 1/64 եզրափակչում մեր շախմատիստուհու մրցակիցը կլինի ռումինացի Իրինա Բուլմագան: Վերջինս պայքարը սկսում է այս շրջանից:

 Հայկ Մարտիրոսյան, Հովհաննես Գաբուզյան