«Ալաշկերտ»
3-2
«Կայրաթ»
1-0 Էմբալո 43
Պոլյակով 62 («Կայրաթ»)
Աբիկեն 92 («Կայրաթ»)
Եվրոպայի լիգայի 3-րդ որակավորման փուլի պատասխան խաղում «Ալաշկերտը» ընդունել էր ղազախական «Կայրաթին»։
Մեր թիմն առաջին կեսը բավականին ակտիվ էր սկսել՝ մի քանի անգամ սպառնալով մրցակցի դարպասին։
Պետք է ընդգծել, որ մրցակցի կազմում մեկնարկային րոպեներից խաղադաշտ էր դուրս եկել Հայաստանի ազգային հավաքականի ֆուտբոլիստ Կամո Հովհաննիսյանը, որին «Հանրապետական» մարզադաշտը ծափողջույններով դիմավորեց։
Հանդիպման հաշիվը բացվեց միայն 43-րդ րոպեին․մեր թիմի կազմում աչքի ընկավ Էմբալոն, սակայն առաջին կեսին ավելացված առաջին րոպեին մրցակցի կազմում հաշիվը հավասարեցրեց Աիբոլ Աբիկենը։
Երկրորդ կեսի սկզբնամասում՝ 50-րդ րոպեին, Էմբալոն «Ալաշկերտին» առաջ մղեց հաշվի մեջ՝ դառնալով դուբլի հեղինակ։ Սակայն 61-րդ րոպեին տուգանայինի խաղարկումից հետո մրցակցի կազմում հաշիվը հավասարեցրեց Արթուր Շուշենաչևը։ 1 րոպե անց Դենիս Պոլյակովը կանոնների կոպիտ խախտում թույլ տվեց Արտակ Գրիգորյանի հետ պայքարում ու ուղիղ կարմիր քարտով հեռացվեց խաղադաշտից։
Չնայած թվային առավելությանն ու մրցակցի դարպասին ուղղված բազմաթիվ հարվածներին մեր չեմպիոնին չհաջողվեց հիմնական ժամանակում վճռել խաղի ելքն ու այն տեղափոխվեց լրացուցիչ ժամանակ։
Այստեղ երկու րոպե անց ղազախական թիմը մնաց 9 հոգով․դաշտից այս անգամ հեռացվեց «Կայրաթի» առաջին գոլի հեղինակ Աիբոլ Աբիկենը։
Լրացուցիչ ժամանակի առաջին կեսի ավարտին Ալեքսանդր Գլիշիչը մոտ տարածությունից գրավեց մրցակցի դարպասը՝ կրկին առավելություն տալով «Ալաշկերտին»։
Այսպիսով՝ «Ալաշկերտը» նվաճում է Եվրոպա լիգայի փլեյ-օֆֆի ուղեգիր, որտեղ խմբային փուլի ուղեգիրը կվիճարկի շոտլանդական «Ռեյնջերսի» հետ:
Հիշեցնենք, որ թիմերի միջև առաջին խաղն ավարտվել էր գոլազուրկ ոչ-ոքի:
«Ալաշկերտը» միաժամանակ բացառիկ նվաճում է գրանցում՝ ապահովելով եվրագավաթային մրցաշարի խմբային փուլի ուղեգիր: Եթե երևանյան ակումբը չկարողանա հաղթահարել «Ռեյնջերսի» արգելքը, կմասնակցի նորաստեղծ Կոնֆերենցիաների լիգայի խմբային փուլին:
«Ալաշկերտը» դառնում է հայկական ակումբային ֆուտբոլի պատմության առաջին թիմը, որ կմասնակցի եվրագավաթային մրցաշարի խմբային փուլին:
