Անգլիական «Չելսիի» հարձակվող Օլիվիե Ժիրուն ուղերձով դիմել է մարզչական շտաբին և թիմակիցներին, բոլորին շնորհակալություն հայտնելով ակումբում միասին անցկացրած ժամանակի համար:
«Բոլոր «կապույտներին», իմ թիմակիցներին, մարզիչներին և ակումբին այս առանձնահատուկ պահերը միասին ապրելու համար ուզում եմ ասել շնորհակալություն: Սկսում եմ նոր ճանապարհ հեշտ ու երջանիկ սրտով: Մեր հաղթանակները Անգլիայի Գավաթում, Եվրոպայի Լիգայում և Չեմպիոնների Լիգայում հիանալի էին», - գրել է մարզիկը Twitter-ում:
Սպասվում է, որ մոտ ժամանակներս ֆուտբոլիստը պայմանագիր կստորագրի «Միլանի» հետ:
Նախորդ մրցաշրջանում 34-ամյա ֆուտբոլիստը մասնակցել է 31 խաղի և բոլոր մրցաշարերում միասին խփել է 11 գնդակ:
