Կիսապաշտպան Ջեյդոն Սանչոն «Բորուսիայից» կտեղափոխվի «Մանչեսթեր Յունայթեդ»:
Գերմանական ակումբը պաշտոնապես հաստատել է 21-ամյա անգլիացի ֆուտբոլիստի հեռանալը, ում տրանսֆերի դիմաց «Կարմիր սատանաներից» փոխհատուցում կստանա առնվազն 85 միլիոն եվրոյի չափով:
Գործարքը կավարտվի, երբ Սանչոն բուժզննում կանցնի և երկարաժամկետ պայմանագիր կնքի «Մանչեսթեր Յունայթեդի» հետ:
Դորտմունդի «Բորուսիայի» գործադիր տնօրեն Հանս-Յոահիմ Վացկեն հաստատել է Սանչոյի տրանսֆերը և մեկնաբալ այն:
«Ջեյդոնի ցանկությունն էր «Մանչեսթեր Յունայթեդ» տեղափոխվելը: Մենք շատ կցանկանայինք թիմում պահել նրան: Ուրախ չենք գործարքից ստացած գումարից, այլ տխուր այն փաստից, որ նա հեռանում է», - Վացկեի խոսքերն է փոխանցում Marca-ն:
Նախորդ մրցաշրջանում Սանչոն «Բորուսիայի» կազմում անցկացրել է 38 հանդիպում, խփել 16 գոլ ու կատարել 14 գոլային փոխանցում: Transfermarkt պորտալը խաղացողի տրանսֆերային արժեքը գնահատում է 100 միլիոն եվրո:
