«Ուրարտու» 3-0 «Նորավանք»
- 1-0 Նարեկ Գրիգորյան 48
- 2-0 Ուգոչուկվու Իվու 67
- 3-0 Կարեն Մելքոնյան 86
Ֆուտբոլի Հայաստանի 30-րդ առաջնության մեկնարկային տուրում բրոնզե մեդալակիր Երևանի «Ուրարտուն» սեփական դաշտում 3:0 հաշվով հաղթեց ուժեղագույնների լիգայի նորեկ «Նորավանքին»: Հանդիպման բոլոր գոլերը գրանցվեցին ընդմիջումից հետո:
Դա «Նորավանքի» պատմության առաջին հանդիպումն էր VBET Հայաստանի Պրեմիեր լիգայում: Վայոց Ձորի մարզը ներկայացնող ակումբը հիմնադրվել էր նախորդ մրցաշրջանից առաջ:
Օրվա մյուս խաղում Հայաստանի գործող չեմպիոն «Ալաշկերտը» տանը 0:3 հաշվով պարտվել էր «Արարատ-Արմենիային»:
Օգոստոսի 2-ին առաջին տուրը կավարտվի «Սևան» - «Վան» (17:00) ու «Արարատ» - «Նոա» (19:00) խաղերով:
Հիշեցնենք, որ 10 թիմերի մասնակցությամբ Հայաստանի առաջնությունը կանցկացվի 4 շրջանով (36 տուր):