Անգլիայի հավաքականի նախկին ֆուտբոլիստ Հարի Լինեկերը խոսել է ֆրանսիացի հարձակվող Կիլիան Մբապեի մասին: Փորձագետը ՊՍԺ-ի հարձակվողին համեմատել է պորտուգալացի Կրիշտիանու Ռոնալդուի և արգենտինացի Լիոնել Մեսիի հետ:
«Կիլիանն արդեն պատրաստի համաշխարհային աստղ է։ Կարծում եմ՝ նա կկարողանա փոխարինել Ռոնալդուին, բայց ոչ Մեսիին։ Լեոն կարող է այնպիսի բաներ անել, որոնք այլ խաղացողներն ընդունակ չեն», - անգլիացու խոսքը մեջբերում է Goal.com պորտալը:
Ֆրանսիայի առաջնության նախորդ մրցաշրջանում 22-ամյա հարձակվողը մասնակցել է 31 հանդիպման, խփել է 27 գոլ, կատարել է 7 գոլային փոխանցում:
