sport.hushak@yandex.ru

+012 345 6789

Բալեկյանը կարիերան շարունակելու է «Բոկա Խունիորսում»

Հայաստանի հավաքականի հարձակվող Նորբերտո Բրիասկո Բալեկյանը կարիերան շարունակելու է «Բոկա Խունիորսում»:

Ole պարբերականը տեղեկացնում է, որ «Բոկա Խունիորսի» տրանսֆերային երրորդ առաջարկն «Ատլետիկո Ուրականն» ընդունել է: 25-ամյա ֆուտբոլիստը 4 տարվա պայմանագիր է ստորագրելու մայրաքաղաքային ակումբի հետ:

Աղբյուրը հայտնում է, որ հարձակվողի տրանսֆերի 80 տոկոս իրավունքների համար արգենտինական գրանդը վճարելու է 3,5 մլն դոլար: Միաժամանակ Transfermarkt-ը գրում է, որ գործարքը կազմելու է 2,9 մլն դոլար:

Բալեկյանի տրանսֆերի վերաբերյալ առաջին առաջարկն «Ուրականն» անմիջապես մերժել էր: Երկրորդ առաջարկը տրանսֆերի 50 տոկոսի համար էր, որը նույնպես չի ընդունվել, ինչի մասին առաջինը հայտնել էր VNews.am-ը:

Պայմանագիր կնքելու համար Բալեկյանին մնում է միայն հաջող բուժզննում անցնել:

 Նորբերտո Բրիասկո Բալեկյան, «Բոկա Խունիորս»