Հս. Մակեդոնիա  0 - 3  Նիդերլանդներ

• 0-1 Դեպայ 24
• 0-2 Վեյնալդում 51
• 0-3 Վեյնալդում 58

Հյուսիսային Մակեդոնիայի հավաքականի դեմ խաղից առաջ Նիդերլանդների հավաքականը նվեր է հանձնել հյուսիսմակեդոնացիների հարձակվող Գորան Պանդևին, որն այս խաղից հետո ավարտելու է իր միջազգային կարիերան:

Նիդերլանդների հավաքականը Պանդևին նվիրել է ընտրանու անվանական մարզաշապիկ՝ 122 գրությամբ, որը խորհրդանշում է Պանդևի անցկացրած խաղերի քանակը Հյուսիսային Մակեդոնիայի հավաքականում:

Խմբային փուլի վերջին տուրում Նիդերլանդների հավաքականը 3 անպատասխան գնդակ ուղարկեց Հյուսիսային Մակեդոնիայի դարպասն ու դուրս եկավ փլեյ-օֆֆ: Նիդերլանդցիների կազմում 24-րդ րոպեի հաշիվը բացեց «Բարսելոնայի» նորեկ Մեմֆիս Դեպայը:

51-րդ րոպեին Վեյնալդումը կրկնապատկեց իր թիմի առավելությունը, իսկ 58-րդ րոպեին դառնալով դուբլի հեղինակ հաշիվը դարձրեց 3:0:

Այսպիսով, Նիդերլանդների հավաքականը ցույց տվեց հարյուր տոկոսանոց արդյունք և 9 միավորով խմբում գրավեց առաջին տեղն ու դուրս եկավ փլեյ-օֆֆ:

Հյուսիսային Մակեդոնիայի հավաքականը միավոր չվաստակեց: