sport.hushak@yandex.ru

+012 345 6789

VBET Հայաստանի Պրեմիեր լիգան` նոր տարբերանշանով

2021/22 մրցաշրջանը 30-րդն է Հայաստանի Բարձրագույն խմբի առաջնությունների պատմության մեջ, ինչի կապակցությամբ ՀՖՖ-ն և առաջնության տիտղոսային հովանավոր VBET ընկերությունն ամբողջ մրցաշրջանի ընթացքում հանդես կգան մի շարք նախաձեռնություններով և ակտիվացումներով, հայտնում է ՀՖՖ պաշտոնական կայքը:

VBET Հայաստանի Պրեմիեր լիգան 2021/22 մրցաշրջանում կներկայանա նոր տարբերանշանով՝ նվիրված հոբելյանական՝ 30-րդ մրցաշրջանին: Տարբերանշանի որոշ մասեր՝ ֆուտբոլային նախշերով ձևավորված քարտեզը և անվանման դիզայնը, վերցված են նախորդ տարբերակից, որին ավելացվել է 30 թվի սպորտային տեսքով դիզայնը և հովանավորի լոգոտիպը:

2021/22 մրցաշրջանի ընթացքում ծրագրվում է VBET Հայաստանի Պրեմիեր լիգայի տարբերանշանի և բրենդինգի ավելի լայն օգտագործում: Մասնավորապես, այն տեղ կգտնի մասնակից բոլոր թիմերի խաղային մարզաշապիկների վրա, ինչպես նաև առաջնության գնդակի վրա:

Հիշեցնենք, որ VBET Հայաստանի Պրեմիեր Լիգայի մրցաշարը մեկնարկում է հուլիսի 30-ին:

 ՀՖՖ