sport.hushak@yandex.ru

+012 345 6789

Եվրո 2020-ին ընդառաջ

Եվրոպայի 2020 թվականի ֆուտբոլի առաջնությունն անցկացվելու է 2021 թվականի հունիսի 11-ից հուլիսի 11-ը: Կորոնավիրուսի համավարակը վերափոխեց աշխարհը, այդ թվում նաև՝ ֆուտբոլը. մրցաշարերի սկզբնական արգելքին փոխարինեց մարզադաշտերում երկրպագուների բացակայությունը:  Այս արտառոց փաստն, անշուշտ, կամրագրվի ֆուտբոլային պատմության էջերում:

Արտառոց է նաև առաջնության ձևաչափի փոփոխությունը. սովորաբար այն անցկացվում էր ՈՒԵՖԱ-ի կողմից նախապես որակավորում ստացած մեկ երկրում, ապա նորամուծություն եղավ, երբ առաջնությունն անցկացվեց երկու երկրներում  միաժամանակ, օրինակ՝ Բելգիայում և Հոլանդիայում: Իսկ հիմա մրցաշարին հետևելու ենք եվրոպական 12 քաղաքներում:

Այժմ անդրադառնանք մասնակից թիմերին: Սովորաբար նման խոշոր մրցաշարերում լինում են անակնկալներ՝ թե թիմերի առումով, թե խաղացողների: Այս մրցաշարն անմասն չի մնա այս ավանդույթից: Մեր կարծիքով, ըստ հավանականության, հաղթողի գլխավոր թեկնածուններն են.

  1. աշխարհի գործող չեմպիոն Ֆրանսիայի հավաքականը,
  2. Բելգիայի հավաքական,
  3. եվրոպայի գործող չեմպիոն Պորտուգալիայի հավաքականը, աշխարհի փոխչեմպիոն Խորվաթիայի և Գերմանիայի հավաքանները։

Քանի որ այսպիսի մրցաշարերում անակնկալներն անխուսափելի են, կարող ենք կանխատեսել նաև, որ առաջնության հայտնություն կարող են դառնալ Նիդերլանդների, Իտալիայի և Դանիայի հավաքականները:

Նշենք, որ այս առաջնությանն առաջին անգամ մասնակցում են Հյուսիսային Մակեդոնիայի և Ֆինլանդիայի հավաքականները: Սա արդեն կարելի է պատմության համար գրանցել որպես հիշարժան 3-րդ փաստ:

Իսկ մրցաշարի գլխավոր անակնկալը մատուցելու է համավարակը: Իսպանիայի հավաքականն էլ որպես օրինակ https://bit.ly/3zeJuSN: Ցանկացած պահի թիմը կարող է կորցնել կարևորագույն խաղացողին և հավակնորդից դառնալ հետնապահ:

Այնպես որ, որքան էլ ֆուտբոլը հետաքրքիր է թիմերի պատրաստվածությամբ և մարզիչների հնարամտությամբ, այս անգամ դրան գումարվում է ասիական ծագումով անկնկալը և 1 ամիս շարունակ մեզ պահելու է լարվածության մեջ:

Սպասենք և հետևենք իրադարձությունների զարգացմանն ու ընթացքին:

 Եվրո-2020